ރައްޔިތުންގެ މަޖިލީހުގައި އެއްބާރުލުން ދިނުމަށް ޖުމްހޫރީ ޕާޓީ އާއި ޑީއާރްޕީން އެއްބަސްވުމެއްގައި ސޮއިކުރުމުގެ ވާހަކަތަކެއް ދެކެވެމުންދާ ކަމަށް ޑީއާރްޕީގެ ލީޑަރު އަދި އެ ޕާޓިގެ ޕާލަމެންޓްރީ ގްރޫޕްގެ ލީޑަރު އަހުމަދު ތަސްމީން އަލީ މިރޭ ވިދާޅުވެއްޖެ އެވެ.
ދިޓީވީ "ހަބަރުތެރެއިން" ޕްރޮގްރާމްގައި ވާހަކަފުޅު ދައްކަވަމުން ތަސްމީން ވިދާޅުވީ ކޮމެޓީތަކަށް މެންބަރުން ބެހިގެންދާއިރު އިދިކޮޅު ފަރާތްތަކަށް ގިނަ ކޮމެޓީތަކުގެ މެޖޯރިޓީ ގެއްލޭނަމަ މަޖިލީހުގައި އެއްބާރުލުން ދިނުމުގެ ކޯލިޝަނެއް ހަދަން ތައްޔާރަށް ތިބި ކަމަށެވެ. ނަމެވެސް އެކަން ކުރުމުގެ ކުރިން ދެ ޕާޓީގެ ކައުންސިލުން ވެސް ނިންމަންޖެހޭ ކަންތައްތަކާއި ރަސްމީ މަރުހަލާތައް ކަޑަތުކުރަންޖެހޭ ކަމަށް ތަސްމީން ވިދާޅުވި އެވެ.
"ހަގީގަތުގައި އެކަން ކުރެވޭނީ އަޅުގަނޑުމެންގެ)ޑީއާރްޕީ ކައުންސިލުން ވެސް( އަދި ޖުމްހޫރީ ޕާޓީގެ ވެސް އެ އޮންނަ ރަސްމީ މަރުހަލާތައް ކަޑަތުކޮށްގެން. އެހެންނަމެވެސް ލީޑާޝިޕް ލެވެލްގައި ކުރަންޖެހިއްޖެ ކަމެއް ކަމުގައިވާނަމަ އެކަންވެސް ކުރާ ގޮތަށް ވަނީ ވާހަކަ ދެއްކިފަ. އެއީ އިދިކޮޅު ފަރާތްތަކަށް މަޖިލީހުގައި ކޮމެޓީތައް ބެހިގެންދާއިރު މާބޮޑަށް ނިކަމެތިކަމެއް އަތުވެދާނެ ކަމަށް ގަބޫލު ކުރެވެންޏާ، އެކަން ހައްލު ކުރުމަށް އޮތް މަގެއް ކަމުގައި ވަންޏާ އަޅުގަނޑުމެން މިތިބީ އެކަމަށް ތައްޔާރަށް،"
ކޮމެޓީތަކަށް މެންބަރުން ބެހުމުގައި މަޖިލީހުގެ މައިނޯރިޓީ ލީޑަރެއްގެ ހައިސިއްޔަތުން މަޝްވަރާތަކުގައި ބައިވެރިވެ ވަޑައިގަންނަވާއިރު، ހުރިހައި އިދިކޮޅު ފަރާތްތަކެއްގެ މަސްލަހަތު ހިމާޔަތް ކުރަންވަންޖެހޭ ކަމަށް ވެސް ތަސްމީން ވިދާޅުވި އެވެ. އެހެންކަމުން އިދިކޮޅު ފަރާތްތަކުގެ ދިފާއުގައި ބައެއް މައްސަލަތަކުގައި ފަސޭހައިން ދޫކޮށްލައި އެމްޑީޕީއާ އެއްބަސްވާކަން ބޭނުންނުވާ ކަމަށް ވެސް އޭނާ ވިދާޅުވި އެވެ.
"އަޅުގަނޑު ރައްކާތެރި ކުރަންޖެހޭ މަސްލަހަތަކީ ހުރިހައި އިދިކޮޅު ފަރާތްތަކުން އޮންބޯޑު ވާންޖެހޭ މަސްލަހަތަކަށް ވާންޖެހޭނޭ. އެހެންނޫނިއްޔާ އެހާ ފަސޭހައިން ދޫކޮށްލާފައި އެއްބަސްވާކަން ނެތީން. އެއީ ހަގީގަތުގައި ގައުމީ މަސްލަހަތު ވެސް އޮތް ގޮތް،" ޑީއާރްޕީ/ޕީއޭ ކޯލިޝަންގެ ފަރާތުން މަޝްވަރާތަކުގައި މަޖިލީގުގެ 32 ގޮނޑި ތަމްސީލު ކުރައްވާ ތަސްމީން މިރޭ ވިދާޅުވި އެވެ.
ތަސްމީން ވިދާޅުވީ ސަރުކާރު ޖަވާބު ދާރީ ކުރުވުމައްޓަކައި މަޖިލީހުގެ މުހިއްމު ކޮމެޓީތަކެއް އިދިކޮޅު ފަރާތްތަކަށް ލިބެންޖެހޭނެ ކަމަށެވެ. ނަމަވެސް މިނިވަން މުއައްސަސާތަކާ ބެހޭ ކޮމެޓީ އާއި މާލިއްޔަތު ކޮމެޓީ އާއި 241 ކޮމެޓީ ދައުލަތުގެ ސަލާމަތީ ހިދުމަތްތަކާބެހޭ ކޮމެޓީގެ ތެރެއިން ބައެއް ކޮމެޓީތަކުގައި "ސާފުސީދާ" އަގުލަބިއްޔަތެއް ނުލިބި ހިނގައިދާނެ ކަމަށް ތަސްމީން ވިދާޅުވި އެވެ.
އިދިކޮޅު ފަރާތްތައް މަޖިލިސް ހުއްޓައިލާނަމަ މަޖިލިސް ދޮށަށް ދާނެ ކަމަށް އެމްޑީޕީގެ ޕާލަމެންޓްރީ ގްރޫޕްގެ ކުރީގެ ލީޑަރު ރީކޯ މޫސަ ރޭ ވިދާޅުވެފައި ވާތީ ތަސްމީން ވިދާޅުވީ "މަޖިލިސް ދޮރުކުރީމަތީ އެކޮޅުކޮޅުން ޖެހުނަސް" އިދިކޮޅު ފަރާތްތައް ކަންތައް ކުރާނީ އެބޭފުޅުން ގަބޫލު ކުރާ ގޮތަށް ކަމަށެވެ. އެކިގޮތްގޮތުން ބިރުދެއްކުމަށްޓަކައި "ސީދާ ހަރަކާތައް" ނުކުންނާނެ ކަމަށް ބުނެ، މި ސަރުކާރުން ކުރާ ކަންތައްތަކަކީ އާ ކަންތައްކެއް ނޫން ކަމަށް ވިދާޅުވި އެވެ. އެހެން ކުރާ ޕްރެޝަރަށް ދީލައި ނުލައްވާނެ ކަމަށް ވެސް ތަސްމީން ވިދާޅުވި އެވެ.
ޖުމްހޫރީ ޕާޓީގެ ތަރުޖަމާނު މޫސާ ރަމީޒް ވިދާޅުވީ މަޖިލީހުގައި ޖުމްހޫރީ ޕާޓީއަށް ފައިދާވާ ކޮންމެ ކަމެއް ނިންމުމަށް ޕާޓީގެ ކައުންސިލުން ޕާޓީގެ ޕާލަމެންޓްރީ ގްރޫޕަށް ރުހުން ދީފައިވާ ކަމަށެވެ.
ޑީއާރްޕީ، ޕީއޭ، ކޯލިޝަނާއި ޖުމްހޫރީ ޕާޓީ މަޖިލީހުގެ ތެރެއިން އެއްބާރުލުން ދޭން އެއްބަސްވުމުން މުޅި ކޯލިޝަންގެ މަޖިލީސް މެންބަރުންގެ އަދަދު 35 އަށް އަރާނެ އެވެ. މަޖިލީހުގެ މެޖޯރިޓީ މިވަގުތު އޮތް އެމްޑީޕީގައި ތިއްބެވީ 34 މެންބަރުންނެވެ. އެމްޑީޕީގެ މަޖިލިސް މެންބަރުންގެ އަދަދު 34 އަށް ވެއްޓުނީ އެޕާޓިއާ ކޯލިޝަން ހަދާފައިވާ ލޭބާ ޕާޓީން އެއްބަސް ވުން އުވައިލުމުންނެވެ.
ދިޓީވީ "ހަބަރުތެރެއިން" ޕްރޮގްރާމްގައި ވާހަކަފުޅު ދައްކަވަމުން ތަސްމީން ވިދާޅުވީ ކޮމެޓީތަކަށް މެންބަރުން ބެހިގެންދާއިރު އިދިކޮޅު ފަރާތްތަކަށް ގިނަ ކޮމެޓީތަކުގެ މެޖޯރިޓީ ގެއްލޭނަމަ މަޖިލީހުގައި އެއްބާރުލުން ދިނުމުގެ ކޯލިޝަނެއް ހަދަން ތައްޔާރަށް ތިބި ކަމަށެވެ. ނަމެވެސް އެކަން ކުރުމުގެ ކުރިން ދެ ޕާޓީގެ ކައުންސިލުން ވެސް ނިންމަންޖެހޭ ކަންތައްތަކާއި ރަސްމީ މަރުހަލާތައް ކަޑަތުކުރަންޖެހޭ ކަމަށް ތަސްމީން ވިދާޅުވި އެވެ.
"ހަގީގަތުގައި އެކަން ކުރެވޭނީ އަޅުގަނޑުމެންގެ)ޑީއާރްޕީ ކައުންސިލުން ވެސް( އަދި ޖުމްހޫރީ ޕާޓީގެ ވެސް އެ އޮންނަ ރަސްމީ މަރުހަލާތައް ކަޑަތުކޮށްގެން. އެހެންނަމެވެސް ލީޑާޝިޕް ލެވެލްގައި ކުރަންޖެހިއްޖެ ކަމެއް ކަމުގައިވާނަމަ އެކަންވެސް ކުރާ ގޮތަށް ވަނީ ވާހަކަ ދެއްކިފަ. އެއީ އިދިކޮޅު ފަރާތްތަކަށް މަޖިލީހުގައި ކޮމެޓީތައް ބެހިގެންދާއިރު މާބޮޑަށް ނިކަމެތިކަމެއް އަތުވެދާނެ ކަމަށް ގަބޫލު ކުރެވެންޏާ، އެކަން ހައްލު ކުރުމަށް އޮތް މަގެއް ކަމުގައި ވަންޏާ އަޅުގަނޑުމެން މިތިބީ އެކަމަށް ތައްޔާރަށް،"
ކޮމެޓީތަކަށް މެންބަރުން ބެހުމުގައި މަޖިލީހުގެ މައިނޯރިޓީ ލީޑަރެއްގެ ހައިސިއްޔަތުން މަޝްވަރާތަކުގައި ބައިވެރިވެ ވަޑައިގަންނަވާއިރު، ހުރިހައި އިދިކޮޅު ފަރާތްތަކެއްގެ މަސްލަހަތު ހިމާޔަތް ކުރަންވަންޖެހޭ ކަމަށް ވެސް ތަސްމީން ވިދާޅުވި އެވެ. އެހެންކަމުން އިދިކޮޅު ފަރާތްތަކުގެ ދިފާއުގައި ބައެއް މައްސަލަތަކުގައި ފަސޭހައިން ދޫކޮށްލައި އެމްޑީޕީއާ އެއްބަސްވާކަން ބޭނުންނުވާ ކަމަށް ވެސް އޭނާ ވިދާޅުވި އެވެ.
"އަޅުގަނޑު ރައްކާތެރި ކުރަންޖެހޭ މަސްލަހަތަކީ ހުރިހައި އިދިކޮޅު ފަރާތްތަކުން އޮންބޯޑު ވާންޖެހޭ މަސްލަހަތަކަށް ވާންޖެހޭނޭ. އެހެންނޫނިއްޔާ އެހާ ފަސޭހައިން ދޫކޮށްލާފައި އެއްބަސްވާކަން ނެތީން. އެއީ ހަގީގަތުގައި ގައުމީ މަސްލަހަތު ވެސް އޮތް ގޮތް،" ޑީއާރްޕީ/ޕީއޭ ކޯލިޝަންގެ ފަރާތުން މަޝްވަރާތަކުގައި މަޖިލީގުގެ 32 ގޮނޑި ތަމްސީލު ކުރައްވާ ތަސްމީން މިރޭ ވިދާޅުވި އެވެ.
ތަސްމީން ވިދާޅުވީ ސަރުކާރު ޖަވާބު ދާރީ ކުރުވުމައްޓަކައި މަޖިލީހުގެ މުހިއްމު ކޮމެޓީތަކެއް އިދިކޮޅު ފަރާތްތަކަށް ލިބެންޖެހޭނެ ކަމަށެވެ. ނަމަވެސް މިނިވަން މުއައްސަސާތަކާ ބެހޭ ކޮމެޓީ އާއި މާލިއްޔަތު ކޮމެޓީ އާއި 241 ކޮމެޓީ ދައުލަތުގެ ސަލާމަތީ ހިދުމަތްތަކާބެހޭ ކޮމެޓީގެ ތެރެއިން ބައެއް ކޮމެޓީތަކުގައި "ސާފުސީދާ" އަގުލަބިއްޔަތެއް ނުލިބި ހިނގައިދާނެ ކަމަށް ތަސްމީން ވިދާޅުވި އެވެ.
އިދިކޮޅު ފަރާތްތައް މަޖިލިސް ހުއްޓައިލާނަމަ މަޖިލިސް ދޮށަށް ދާނެ ކަމަށް އެމްޑީޕީގެ ޕާލަމެންޓްރީ ގްރޫޕްގެ ކުރީގެ ލީޑަރު ރީކޯ މޫސަ ރޭ ވިދާޅުވެފައި ވާތީ ތަސްމީން ވިދާޅުވީ "މަޖިލިސް ދޮރުކުރީމަތީ އެކޮޅުކޮޅުން ޖެހުނަސް" އިދިކޮޅު ފަރާތްތައް ކަންތައް ކުރާނީ އެބޭފުޅުން ގަބޫލު ކުރާ ގޮތަށް ކަމަށެވެ. އެކިގޮތްގޮތުން ބިރުދެއްކުމަށްޓަކައި "ސީދާ ހަރަކާތައް" ނުކުންނާނެ ކަމަށް ބުނެ، މި ސަރުކާރުން ކުރާ ކަންތައްތަކަކީ އާ ކަންތައްކެއް ނޫން ކަމަށް ވިދާޅުވި އެވެ. އެހެން ކުރާ ޕްރެޝަރަށް ދީލައި ނުލައްވާނެ ކަމަށް ވެސް ތަސްމީން ވިދާޅުވި އެވެ.
ޖުމްހޫރީ ޕާޓީގެ ތަރުޖަމާނު މޫސާ ރަމީޒް ވިދާޅުވީ މަޖިލީހުގައި ޖުމްހޫރީ ޕާޓީއަށް ފައިދާވާ ކޮންމެ ކަމެއް ނިންމުމަށް ޕާޓީގެ ކައުންސިލުން ޕާޓީގެ ޕާލަމެންޓްރީ ގްރޫޕަށް ރުހުން ދީފައިވާ ކަމަށެވެ.
ޑީއާރްޕީ، ޕީއޭ، ކޯލިޝަނާއި ޖުމްހޫރީ ޕާޓީ މަޖިލީހުގެ ތެރެއިން އެއްބާރުލުން ދޭން އެއްބަސްވުމުން މުޅި ކޯލިޝަންގެ މަޖިލީސް މެންބަރުންގެ އަދަދު 35 އަށް އަރާނެ އެވެ. މަޖިލީހުގެ މެޖޯރިޓީ މިވަގުތު އޮތް އެމްޑީޕީގައި ތިއްބެވީ 34 މެންބަރުންނެވެ. އެމްޑީޕީގެ މަޖިލިސް މެންބަރުންގެ އަދަދު 34 އަށް ވެއްޓުނީ އެޕާޓިއާ ކޯލިޝަން ހަދާފައިވާ ލޭބާ ޕާޓީން އެއްބަސް ވުން އުވައިލުމުންނެވެ.
No comments:
Post a Comment