މ. ޝާރިވަރުދީ ހިނގުމުގައި ހުރި ގެއެއްގެ ތެރެއިން އަސްލު ވަޒަން ތަކަކާއެކު ސިފައިންގެ މީހަކު ހައްޔަރުކޮށްފި އެވެ.
މަންޒަރުދުށް މީހަކު ސަން އަށް މައުލުމާތު ދެމުން ބުނީ، އެމީހާ ހައްޔަރުކުރީ އެމަގުގައި ހުރި ފަހިފަރު ގެއިން ކަމަށެވެ. ހައްޔަރުކުރި މީހާއަކީ ކ. ދިއްފުއްޓަން އުފަން އަހުމަދު ޝިޔާޒު ނަމަކަށް ކިޔާ މީހެއް ކަމަށާއި އޭނާ އުޅެނީ އެމްއެންޑީއެފްގެ ވަޒީފާއެއްގައި ކަމަށް ވެސް މައުލޫމާތު ދިން ފަރާތުން ބުންޏެވެ. ހައްޔަރުކުރިއިރު ވަޒަންތައް ފެނުނީ ޝިޔާޒް ދިރިއުޅޭ ކޮޓަރި ތެރޭ އޮތް ދަބަހެއްގެ ތެރެއިން ކަމަށްވެ އެވެ.
ނަމަވެސް، މިކަން ފުލުހުންނާއި އެމްއެންޑީއެފުން ވެސް ކަށަވަރުކޮށެއް ނުދެ އެވެ. އަދި މިހާތަނަށް އައިއިރު ދޮގުކޮށްފަ އެއް ވެސް ނުވެ އެވެ.
އެމްއެންޑީއެފްގެ މީޑިޔާ އޮފިޝަލް ވިދާޅުވީ އެކަމާބެހޭ މައުލޫމާތެއް މިހާތަނަށް ލިބިފައި ނުވާ ކަމަށާއި، އެކަން ސާފު ކުރައްވާނެ ކަމަށެވެ.
No comments:
Post a Comment